आय ब्यय बिवरण

साझा प्रकाशनले आफनो लक्ष्य निर्धारण गरी सुधारको बारेमा अगाडि बढेको कुरा सबैमा विदितै छ तर पछिल्लो समयमा सामाजिक सञ्जालमा उठेका आर्थिक विषयवस्तुहरुलाई सम्बोधन गर्न सम्पूर्ण आर्थिक कारोबारलाई सबैको जानकारीको लागि यहाँ प्रेषित गरिन्छ । थप जानकारी आवश्यक परेमा कार्यालयमा सम्पर्क राख्नुहोला । आय व्यय विवरण

साझा प्रकाशनले जनकशिक्षा सामाग्री केन्द्र लिमिटेडलाई २०७४ जेठ १० गतेसम्म तयार गरी बुझाइएका पुस्तकहरूको विवरण

विषय कक्षा छापीएको संख्या १. अङ्ग्रेजी (कक्षा ६) ४७,२९०।– २. गणित (कक्षा ६) ९,८७५।– ३. पेशा (कक्षा ६) १९,३४०।– ४. विज्ञान (कक्षा ६) १३,५२०।– ५. सामाजिक (कक्षा ६) ३२,८५०।– ६. कम्प्युटर (कक्षा ७) ८६,६५०।– ७. सामाजिक (कक्षा ७) ३,६४०।– ८. विज्ञान (कक्षा ७) २३,९३०।– ९. गणित  (कक्षा ७) १,३०,५५०।– जम्मा ३,६७,६४५ थान ।–

संस्थाका महाप्रबन्धकले संचालक समितिमा पेश गर्नुभएको संस्थाको पछिल्ला गतिबिधिहरु

उत्पादन पछि विक्रि वितरणको मुनाफाबाट संस्था चलाउनु साझाको यथार्थ बाध्यता हो । त्यही मुनाफाबाटै साझाका कर्मचारीले तलव खान्छन् भन्ने कुरालाई राम्रोसंग बुझन र बुझाउन नसक्नु साझाका लागि ठूलो दुर्भाग्य बनेको छ । नेपाली भाषा, साहित्य , संस्कृति र पत्रकारिता समेतको जर्गेना गर्नु , यी विषयसंग सम्बन्धित कृतिहरु प्रकाशन गरेर देश विदेशसम्म पु¥याउनु साझाको मुख्य लक्ष्य भएको कुरा सर्वविदितै छ । साहित्य र लेखकको सेवा गर्दै साहित्यिक बगैचाको मालीका रुपमा काम गर्नुपर्ने एकमात्र दायित्व साझाका कर्मचारीहरुको हो । यसैले साझा प्रकाशनसँग जोडिएका सबैको चेतना अलि पृथक हुनु जरुरी छ । साझा गम्भीर अवस्थामा छ भन्ने कुरालाई मैले जोड दिनु पर्दैन । साझाको यो अवस्था हुनु साझाकै कर्मचारी र तत्तत् समयका व्यवस्थापनको लापरवाही र चरम कमजोरीका कारण हो भन्ने कुरालाई पनि दोहो¥याउनु पर्दैन । पवित्र भावना बोकेको यो सानो संस्थालाई सफल बनाउनु हामी सबैको कतव्र्य हो । यसैले सञ्चालक ज्यूहरु र सम्पूर्ण कर्मचारी साथीहरुलाई संकुञ्चित भावनाबाट मुक्त हुन आग्रह गर्दछु । पार्टी र व्यक्तिभन्दा माथि उठ्न अनुरोध गर्दछु । बिग्रिएको साझालाई एकपटक सपार्न सबैले स्वार्थ त्यागौ भन्ने पक्षमा म छु । हामी कानूनी राज्यमा छौँ । साझा प्रकाशन पनि कानूनी राज्यको एक अङ्ग हो । कानूनी दायरामा रहेर संस्थाहितका पक्षमा काम गर्न हामी एक हुनै पर्छ । कामको सिलसिलामा व्यवस्थापनका पक्षबाट कहीकतै

साझा प्रकाशनबाट २०७४ बैशाख १ देखि १५ गतेसम्म सम्पादन भएका कामहरूको विवरण

१. २०७४ बैशाख ८ गते शुक्रबार साझा प्रकाशन सञ्चालक समितिद्धारा गठित छानबिन समितिको बैठक सम्पन्न भएको छ । २. २०७४ बैशाख १० गते आईतबार साझा प्रकाशनको शाखा कार्यालय प्रदर्शनमार्गमा कर्मचारीहरुसँगको बैठक सम्पन्न भएको छ । बैठकमा साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माज्यूले त्यहाँको पछिल्लो अवस्थाको बारेमा जानकारी लिदै भाबी कार्ययोजनाका बिषयमा छलफल गर्नुभएको छ । ३. साझा प्रकाशनको परियोजना अन्तर्गतका कार्यमा साझा अंग्रेजी स्विकृत भएको छ । यस्तै, परियोजना अन्र्तगतका अन्य पुस्तकहरु नुवाकोट , पोखरा , धनगढी , स्याङ्जा , सप्तरी , जनकपुर , चितवन लगायतका अन्य जिल्लामा पठाइएको छ । ४. लेखक जीत बहादुर शाहद्धारा लिखित नयाँ पुस्तक विद्यार्थी देब भब साझा प्रकाशनले प्रकाशित कार्य सम्पन्न गरी बिक्रि बितरणका लागि बजारमा पठाइसकेको छ । ५. पुरानो स्टक सकिएको तर बजारमा अत्यधिक माग भइरहेको पुस्तकमध्य गुरुप्रसाद मैनालीद्धारा लिखित पुस्तक नासो , शंकर लामिछानेद्धारा लिखित एब्स्ट्रयाक्ट चिन्तन प्याज , तारानाथ शर्माको सम र समका कृति , लेखनाथ पौड्यालको तरुण तपसी र लेखकद्धय दिवाकार ढुङ्गेल र उषा दिक्षितद्धारा लिखित नेपाली बाल शब्दकोषको पुन मुद्रण कार्य सम्पन्न भएको छ ।

साझा प्रकाशनबाट २०७३ चैत्र १३ देखि १९ गतेसम्म सम्पादन भएका कामहरूको विवरण

१. साझा प्रकाशनले पहिलोपटक बेलायतमा पुस्तक प्रदर्शनी सम्पन्न गरेको छ । नेपाल–बेलायतको दौत्य सम्बन्धको द्विशतवार्षिकी पूरा भएको अवसरमा त्यहाँ अवस्थित नेपाली दूतावासको आयोजनामा पुस्तक प्रदर्शनीको आयोजना गरिएको थियो । प्रदर्शनीमा साझा प्रकाशनबाट प्रकाशित दुईसय शीर्षकका तीन हजारभन्दा धेरै पुस्तक राखिएकोमा सबै पुस्तक बिक्रि भएको छ । पुस्तक प्रदर्शनीसँगै नेपाली दूतावास परिसरमा साहित्य महोत्सवको आयोजना समेत गरिएको थियो । २. साझा प्रकाशन बचाऊ अभियानअन्तर्गत बेलायतमा साहित्यिक सहयोग समिति गठन भएको छ । साहित्यकार विकलचन्द्र आचार्यको संयोजकत्वमा ११ सदस्यीय समिति गठन भएको हो । साझा प्रकाशनका कृतिलाई अन्र्तराष्ट्रिय बजारमा लैजाने उद्देश्य अनुरुप समिति गठन गरिएको हो । समितिका संरक्षकमा बेलायतका लागि नेपाली राजदूत एवम् साहित्यकार डा.दुबसु क्षेत्री तथा सदस्यमा जयालक्ष्मी राई, विश्वासदीप तिगेला, देवेन्द्र खदेरा, कृष्ण बजगाई , सुमलकुमार गुरुङ्ग , डा.सोहन घिमिरे, सुमाया राई , लक्ष्मी राई लारा , दुर्गाप्रसाद पोखरेल र डा.रुपक श्रेष्ठ रहनुभएको छ । ३. पुरानो स्टक सकिएको तर बजारमा अत्यधिक माग भइरहेको पुस्तकमध्य नेपाली शाकुन्तल महाकाव्य जिउँदो लास र पत्थरको कथाको पुन मुद्रण कार्य सम्पन्न भएको छ ।

बेलायतमा साझा प्रकाशनको साहित्यिक सहयोग समिति गठन

    साझा प्रकाशन बचाऊ अभियानअन्तर्गत बेलायतमा साहित्यिक सहयोग समिति गठन भएको छ । नेपाल–बेलायत दौत्य सम्बन्ध स्थापनाको द्धिशतवार्षिकी पूरा भएको उपलक्ष्यमा सप्ताहव्यापी कार्यक्रमअन्तर्गत आयोजित साहित्यिक महोत्सव र पुस्तक प्रदर्शनीपछि साहित्यकार विकलचन्द्र आचार्यको संयोजकत्वमा ११ सदस्यीय समिति गठन भएको हो । साझा प्रकाशनका कृतिलाई अन्र्तराष्ट्रिय बजारमा लैजाने उद्देश्य अनुरुप समिति गठन गरिएको हो । समितिका संरक्षकमा बेलायतका लागि नेपाली राजदूत एवम् साहित्यकार डा.दुबसु क्षेत्री तथा सदस्यमा जयालक्ष्मी राई, विश्वासदीप तिगेला, देवेन्द्र खदेरा, कृष्ण बजगाई , सुमलकुमार गुरुङ्ग , डा.सोहन घिमिरे, सुमाया राई , लक्ष्मी राई लारा , दुर्गाप्रसाद पोखरेल र डा.रुपक श्रेष्ठ रहनुभएको छ ।

बेलायतमा साझाको पुस्तक प्रदर्शनी

साझा प्रकाशनले पहिलोपटक बेलायतमा पुस्तक प्रदर्शनी सम्पन्न गरेको छ । नेपाल–बेलायतको दौत्य सम्बन्धको द्विशतवार्षिकी पूरा भएको अवसरमा त्यहाँ अवस्थित नेपाली दूतावासको आयोजनामा पुस्तक प्रदर्शनीको आयोजना गरिएको हो । प्रदर्शनीमा साझा प्रकाशनबाट प्रकाशित दुईसय शीर्षकका तीन हजारभन्दा धेरै पुस्तक राखिएकोमा सबै पुस्तक बिक्रि भएको छ । पुस्तक प्रदर्शनीसँगै नेपाली दूतावास परिसरमा साहित्य महोत्सवको आयोजना समेत गरिएको थियो ।

साझा प्रकाशनबाट २०७३ फागुन १ देखि ७ गतेसम्म सम्पादन भएका कामहरूको विवरण

१. मिति २०७३।११।०१ गते नेकपा माओवादी केन्द्रका प्रवक्ता पम्फा भुषाल र वरिष्ठ निवन्धकार घनश्याम राजकर्णिकारले साझा प्रकाशनको अवलोकन भ्रमण गर्नुभएको छ । अवलोकन भ्रमण पश्चात् उहाँले साझालाई दिगो र कमाइखाने संस्थामा विकसित गर्न सरकारले साझाले विगतमा पाएको जिम्मेवारी पुनः दिन आफनो तर्फबाट पहल गर्नुका साथै साझा प्रकाशनको २६ बुँदे सुधारका कार्ययोजनामा आफनो र पार्टीको तर्फबाट साथ एंव समर्थन रहने धारणा ब्यक्त गर्नुभयो । २. मिति २०७३।११।०२ गते साहित्यकार नेरन्द्र राज पौडेलको रोबोटका आँखा र डा.बिन्दु शर्माको नयाँ पुस्तक नेपाली गीतिनाटक स्वरुप र प्रवृत्तिको साझा प्रकाशनले प्रकाशित कार्य सम्पन्न गरी बिक्रि बितरणका लागि बजारमा समेत पठाइसकेको छ । ३. मिति २०७३।११।०४ गते अखिल नेपाल महिला संघ क्रान्तिकारीका उपाध्यक्ष गंगा वेल्बासे , महासचिब रेणु दाहाल र वरिष्ठ कलाकार सन्तोष पन्तले साझा प्रकाशनको भ्रमण अबलोकन गर्नुभयो । भ्रमण अबलोकन पश्चात् उहाँहरुले साझाको ऐतिहासिक महत्वलाई जगेर्ना गर्नु सबैको दायित्व भएको बताउनुभयो । ४. मिति २०७३।११।०५ गते बि.सं. २०३९ साल पुस महिनादेखि साझा प्रकाशनबाट नियमित रुपमा प्रकाशित हुँदै आएको नेपाली भाषाको साहित्यिक पत्रिका गरिमाको नयाँ पूर्णाङ्क ३८६ बजारमा विक्रि वितरणका लागि पठाइसकिएको छ । ५. एक पटक एक काम ः साझा प्रकाशन, उत्पादनमैत्री वातावरण ः भ्रष्टाचार रहित संस्था हाम्रो प्रतिबद्धता भन्ने अभियानअनुरुप नेपाल सरकारका मन्त्रीज्यू, सचिवज्यू, मन्त्रालय, विभाग, संवैधानिक निकाय, ७५ वटै जिल्ला विकास समितिहरूमा

साझा प्रकाशनबाट २०७३ माघ १५ देखि २१ गतेसम्म सम्पादन भएका कामहरूको विवरण

१. मिति २०७३।१०।२० गते संगीत नाट्य प्रज्ञा प्रतिष्ठानका कुलपति एंव साहित्यकार सरुभक्तले साझा प्रकाशनको भ्रमण अवलोकन गरी साझा प्रकाशनबाट उहाँको कृतिको पुन मुद्रण तथा थप नयाँ कृति प्रकाशनबारे छलफल गर्नुका साथै आगामी दिनमा साझा बचाउ अभियानमा आफनो पनि ऐक्यवद्धता र साथ रहेको प्रतिबद्धता जनाउनुभएको छ । २. मिति २०७३।१०।२१ गते साहित्यकार रुकु कार्की र कृष्ण बजगाईको नयाँ पुस्तक बन्धनबाट मुक्ति र युरोसियाको स्पर्श साझा प्रकाशनले प्रकाशित कार्य सम्पन्न गरेको छ । साहित्यकार रुकु कार्कीको पुस्तक बन्धनबाट मुक्ति ५०० थान बिक्रि समेत भएको छ । ३. मिति २०७३।१०।२१ गते पुरानो स्टक सकिएको तर बजारमा अत्यधिक माग भइरहेको पुस्तकमध्ये लालित्य — २ को पुन  मुद्रण कार्य सम्पन्न भएको छ । ४. साझा प्रकाशनका परियोजनाअन्तर्गतका पुस्तक विद्यालयहरूमा प्रयोग गराउन पाठ्यक्रम विकास केन्द्रसँग स्वीकृतिका माग गरिएको छ । ५. बि.सं. २०३९ साल पुस महिनादेखि साझा प्रकाशनबाट नियमित रुपमा प्रकाशित हुँदै आएको नेपाली भाषाको साहित्यिक पत्रिका गरिमाको बार्षिक ग्राहक वृद्धि अभियान अन्र्तगत आस्था के.सी सदस्य बन्नुभएको छ ।

सभासद् निशा कुमारी शाहद्धारा २ लाख ७५ हजार बराबरको पुस्तक साझाबाट खरिद

साझा प्रकाशनको साझा बचाउ अभियान अन्र्तगत ब्यवस्थापिका संसद सदस्य माननीय श्री निशा कुमारी शाहले निर्वाचन बिकास कार्यक्रम अन्र्तगतको योजनामा साझा प्रकाशनबाट २ लाख ७५ हजार रुपैया बराबरको पुस्तक खरिद गर्नुभएको छ । खरिद गर्नुभएको पुस्तक महोत्तरी जिल्ला क्षेत्र नं १ का सामुदायिक , माध्यमिक तथा उच्च माध्यमिक बिद्यालयहरुमा प्रदान गरिने उहाँले जानकारी दिनुभएको छ ।

सञ्चालक समिति

    नाम : रघुराम विष्ट पद : अध्यक्ष फोन : इमेल :  ...

साझा प्रकाशन सुधार कार्ययोजना

साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माज्यूद्वारा मिति २०७३।१०।५ गते पत्रकार सम्मेलन गरी साझा...

साझा प्रकाशन एक झलक

साझा प्रकाशन एक झलक भाषा–साहित्य तथा ज्ञान–विज्ञानका पुस्तकहरूको विकास गर्ने, नेपाली भाषा र साहित्यको...

Invitation for Bids

Machine Bid Notice (1)                     ...

© 2016 Sajha Prakashan. All Rights Reserved...